Оқил фарзандларга насиҳатлар
Ø Ота-онангни доимо юзингда табассум билан қарши ол, кўрганингда эҳтиром билан саломлаш.
Ø Ота-онангнинг олдида баланд товушда ёки бақириб гапирма.
Ø Ота-онангга мулойим, аниқ ва паст овозда мурожаат қил.
Ø Ота-онангнинг ҳузурида ҳадеб кулаверма, бўлар-бўлмас товушлар чиқарма, беқилиқ бўлма.
Ø Доимо ота-онангнинг ёнида бўлишга ҳаракат қил, уларга йўлдош бўл.
Ø Ота-онангнинг топшириқларини ва илтимосини жон-у дилдан, вақтида ва садоқат билан бажар.
Ø Ота-онангнинг хоҳишидан ташқари ва улар маъқулламаган ишни қилма.
Ø Ота-онанг сенга қаттиқ гапирса кўнглингга яқин олма, уларни тушунишга ҳаракат қилгин.
Ø Ота-онангнинг кайфиятини бузмасликка ҳаракат қил.
Ø Ота-онанг гапирганда доимо қўлинг кўксингда бўлсин.
Ø Ота-онангнинг кўзига тик ёки бақрайиб қарама.
Ø Ота-онага гап қайтариш энг катта гуноҳлардан бири эканлигини унутма.
Ø Ота-онангнинг уйини тоза ва ораста тут.
Ø Ота-онангга “сиз” деб мурожаат қилишни унутма.
Ø Ота-онангдан саломингни канда қилма, ҳол-аҳвол сўраб тур.
Ø Сен учун дунёда худодан кейин ота-онанггина танҳо эканлигини унутма.
Ø Ота-онанг ҳақида бировлар ёмон гапирсалар ишонма, уларни ҳимоя қил. Уларнинг обрўси сенинг обрўйинг!
Ø Ота-онанг хурсанд бўлса, хурсанд бўл, хафа бўлса кўнглини кўтар.
Ø Дардига дардкаш бўл! Хафа қилма! Уларга ишон!
Ø Ота-онангни ўзингдан-да яхши кийинтир! Ўзингдан-да яхши боқ!
Ø Ота-онангнинг барча хоҳишларини бажар! Уларни ҳеч нарсага зориқтирма!
Ø Уларнинг дўстларини ўзингга дўст деб бил! Марҳаматингни улардан дариғ тутма! Маслаҳатларига қулоқ сол!
Ø Қариганида ота –онангга шафқатли бўл, улар қанча кўп яшашса, шунча кўп умр тилаб дуо қил!
Ø Ота-она бу дунёда ғанимат эканлигини унутма.
Ø Ота-онанг бу дунёни тарк этгач, уларни доимо ёд эт, хотирангдан чиқарма!
| 
